کچھ میرے بارے میں

پہلے پہل میں اپنا تعارف یوں کراتا تھا کہ میں بہت سے نو عمر لڑکوں اور لڑکیوں کے لئے بڑا بھائی ہوں۔ تاہم کچھ عرصے سے کچھ بڑی عمر کے لوگوں نے بھی بڑے بھائی کی طرح کا سلوک کرنا شروع کر دیا ہے۔ چنانچہ اب سب کا "لالہ جی” ہوں۔ پشتو، پنجابی، ہندکو، اردو اور انگریزی زبانیں بول سکتا ہوں، سرائیکی سمجھ لیتا ہوں تاہم بولنے میں کچھ دشواری ہوتی ہے۔

کسی کے بارے میں جاننا ہو تو یہ جاننے کی کوشش کرتاہوں کہ وہ شخص یہ کیسے طے کرتا ہے کہ کون سی چیز اچھی ہے اور کونسی چیز بری۔ میں خود ہر چیز کو صرف ایک ترازو میں تولنے کا قائل ہوں اور وہ ہے عوام۔ اگر کسی چیز میں عوام کی اکثریت کا فائدہ ہے تو وہ اچھی ہے اور اگر کسی چیز میں عوام کی اکثریت کا نقصان ہے تو وہ بری ہے۔ اگر میری تحریروں کو اسی نقطہء نظر نے سے پڑھیں گے تو سمجھنے میں آسانی رہے گی۔

گھسی پٹی باتوں اور گھسے پٹے لوگوں سے نہیں بنتی۔